Соёлын өвийн төв

Гадаад хамтын ажиллагаа

ГАДААД ХАМТЫН АЖИЛЛАГАА

- 1997 онд Японы Киото хотын “Каgакu” компанитай хамтран Архангай аймгийн Хөшөө цайдамд байрлах Түрэгийн үеийн “Культегиний гэрэлт хөшөөний”-ний хуулбарыг анх хийж гүйцэтгэсэн.

- 2000-2003 онд Дорнод аймгийн Халх гол суманд оршиж байсан “Шонх таван толгой”-н хүн чулууны хөшөөний хуулбар, Өвөрхангай аймгийн Хархорин суманд орших Хархорум хотын туурийн дэргэдэх мэлхий чулууны хуулбарыг Баруун Европын орнуудад зохион байгуулах “Чингис хаан ба түний өв залгамжлагч” үзэсгэлэнд зориулж хийсэн.

- 2001-2007 онуудад Туркийн олон улсын байгуллага ТИКА-тай хамтран Архангай аймгийн Хөшөө цайдам дахь Түрэгийн үеийн цогцолбор дурсгалын хөшөө чулууны сэргээн засварлалтын ажлыг хийсэн.

- 2003 онд Архангай аймгийн Хөшөө цайдамд орших Түрэгийн үеийн Билгэ хааны дурсгалт цогцолбор газраас олдсон археологийн ховор олдвор олон тооны алт, мөнгөн эдлэлүүдийг сэргээн засварлан Үндэсний түүхийн музейн сан хөмрөгт шилжүүлсэн байна.

- 2006-2007 онд Дэлхийн хөшөө дурсгалын сантай хамтран Богд хааны ордон музейн номын сан, Найдангийн сүмийн барилга дээр сэргээн засварлах, судалгааны ажил хийж байна.

- 2007 онд БНХАУ-ын Шин-Ань мужийн сэргээн засварлах төвтэй хамтран сүм хийдийн сэргээн засварлалтын мэргэжилтэн сургах чиглэлээр хамтран ажиллаж байна.

Байгуулагдсан цагаас хойш Соёлын өвийн төв нь мэргэжлийн боловсон хүчин, шаардлагатай тоног төхөөрөмжөөр хангагдан, үйл ажиллагаа нь улам бүр өргөжиж байна.

ШИНЭ МЭДЭЭ

"Монголын буддын шашны урлаг" каталог хэвлэгдэн гарлаа.

Бурханы шашны танка зураг, зээгт наамал, цөөн тооны хатгамал, бар, тиг зураг зэрэг 5 музейн 441 бүтээлийн англи, монгол тайлбар болон зураг бүхий каталог хэвлэгдэн гарлаа.

▪	"Монголын музейн үзмэрүүд" цахим каталог ашиглалтанд орлоо.

▪	Ардын урлагийн их наадмын III шатны шалгаруулалт

▪	Түрэгийн үед холбогдох бунхны олдворуудыг сэргээн засварлах ажил явагдаж байна

▪	Биет бус соёлын өвийг хамгаалах хэлтсийн мэргэжилтнүүд орон нутагт ажиллав

ШИНЭ ХЭВЛЭЛ

"Монгол нутаг дахь түүх, соёлын үл хөдлөх дурсгал" цуврал каталогийн 5-р дэвтэр болох Өвөрхангай аймгийн нутаг дахь түүх, соёлын үл хөдлөх дурсгалын зурагт каталоги шинээр хэвлэгдэн гарлаа. Дэлгэрэнгүйг энд дарж үзнэ үү.